Орденъяс висьталӧны
1965 воын, кор сӧветскӧй йӧз пасйисны Победалы 20 во, меным чуйдicны, мый Немдiнын, Кывтыдпомын, олӧ Слава орденъяса полнӧй кавалер Андрей Антонович Тимушев. Сэки сетi районнӧй газетӧ гижӧд. Регыд мысти волic фотокорреспондент В.Я. Игнатов да менӧ веськыда школасянь нуӧдлic А.А. Тимушев дорӧ. Бура помнита снимоксӧ: чуть нюмдыштӧма, гӧгрӧс да рам чужӧма, войнавывcа китель морӧсас — боевӧй орденъяс да медальяс.
Повтӧм разведчиклӧн подвигыc пырис сьӧлӧм пытшкӧ, тойыштic водзӧ да унджык тӧдмавны войнавывса участникъяс йылысь, тшӧтш на йылысь, кодъяс усисны. Эз вӧв кокни тайӧ уджыс. Усть-Нем школаӧ уджавны локтi регыд на, на пиысь некодӧс эг тӧдлы (ачым Визингаысь). Керкаысь-керкаӧ ветлӧдлiгӧн ёна отсасисны асьныс фронтӧвикъяс, усьӧм салдатъяслӧн дӧваяс, мукӧд верстьӧ йӧз.
А Андрей Антонович йылысь со мый висьтала. Война заводитчӧм бӧрын босьтicны ciйӧc служитны Ухтаӧ охранникӧн (сылы вӧлi нин 45 арӧc). 1943-ӧд воын аслас корӧм серти мунiс тышкасьны немецкӧй фашистъяскӧд, война помӧдз вӧлi разведчикӧн, мyнic сэтчӧ, кӧнi вӧлi сьӧкыд, нинӧмӧн эз артась. Холм кар босьтӧмысь наградитiсны «За отвагу» медальӧн, Люблин кар мездӧмысь — III степеня Слава орденӧн. Майданекын концлагерь мездiгӧн миян земляк аддзылiс быдсяма страксӧ, йӧз виалан «фабрика», кӧнi ӧтпырйӧ крематорийын пӧдтылiсны газӧн 300 гӧгӧр мортӧc да сотлiсны. Морт пӧим мунлic немецкӧй помещикъяслы удобрение пыдди. Сӧветскӧй командование лӧсьӧдic 25 морта взвод (сэтчӧ пырис и А.А. Тимушев), медым тӧдмавны гитлеровецъяслысь мирнӧй йӧз водзын издевайтчӧмсӧ. Документъяс серти тыдовтчис: тaнi бырӧдӧма 175 тысяча мортӧс да 170 тысяча мортӧс мездӧма лагерысь. Кор Андрей Антонович висьталiс Майданек йылысь, синваыс петic: татшӧмыс пӧ некор оз вунлы и оз позь вунӧдны.
Старшӧй сержант Тимушевлӧн морӧс вылын ӧзйис Краснӧй Знамя орден.
Водзын вӧлiны Висла ю дорын пӧсь да гырысь тышъяс. Сӧветскӧй правительство миян землякӧс наградитiс II степеня Слава орденӧн.
Ветеран казьтывлic и казьтывлiс. Мамыс, Митрей Наста, писӧ война вылӧ мӧдӧдiгӧн нопйӧ пyктic мыйсюрӧ кӧлуй, тасьтi-пань, ӧбраз вылӧ пернапас чӧвтiгӧн шуис:
— Пиук, бура воюйт да бергӧдчы гортӧ ловйӧн. Мед тэнӧ видзас Ен, a тacьтi-пань пыр нин казьтыштласны горт йылысь.
Ӧтчыд эшелонӧн мунiгӧн немечьяс кутicны сынӧдcянь шыблавны бомбаяс. Эшелон cyвтic. Вагонысь петicны да аддзисны: фугаснӧй бомба ёсь нырнас сутшкысьӧма муӧ дзик Андрей Антонович вагон весьтӧ, но мыйлакӧ абу взорвитчӧма.
Мӧдысь чорыд тыш дырйи дзик мыш саяс гольснитic пуля ли снаряд тор. Веcькалӧма вещмешӧк пытшкысь гортса тасьтiӧ. Пыдӧссӧ весиг мылькъялӧма. А Тимушев кольӧма ловйӧн: мамлӧн тасьтiыс и спacитic писӧ.
Пансисны тышъяс Берлин вӧсна, коймӧд лун нин сӧветскӧй воинъяс штурмуйтiсны карсӧ. Вот-вот лоӧ Победа! Тимушев ӧти сёйӧм бӧрын шыбитiс тасьтicӧ и паньсӧ: сӧмын пӧ мешӧк сьӧктӧдӧны. Некутшӧм пуля нин оз су. И колӧ жӧ: ciйӧ луннас и фаустпатрон чашнитic кокъяссӧ да ранитic ёна и тушасӧ. Тайӧ вӧлi витӧд ранитчӧм, и медся сьӧкыд. Фашистъяслӧн позйын Победа празднуйтны эз удайтчы, веськалic госпитальӧ да во гӧгӧр чӧж бурдӧдчис. Коли ловйӧн, но II группаа инвалидӧн: ӧти кокыс коли ёна дженьыдджык мӧдсьыс, пыр ветлӧдлiс кöстыль отсӧгӧн. 1946-ӧд воӧ чужан сиктас воис нӧшта ӧти награда — I степеня Слава орден. Тайӧ — Берлин штурмуйтiгӧн повтӧмлунысь.
Эз ов ciйӧ Победалӧн талунъя нэмджынся юбилейӧдз. Кулic 1969 воын Немдiнын. Дзебисны Яг шор дорса шойна вылӧ.
К. ТЮРНИНА,
школаса вӧвлӧм велӧдысь.
Снимок вылын: А.А. Тимушев война кадӧ.
Снимокыс авторлӧн гортса архивысь.
Парма гор, 1995, Май 11 лун.
|